Gjatë gjithë historisë njerëzore ka pasur lëvizje të popullsisë nga një rajon në një rajon tjetër. Lëvizje të tilla ka edhe sot, e ndoshta do të ketë edhe në të ardhmen. Mirëpo, kjo trevë përherë ishte e banuar me popullatë shqiptare

Pozita, përrenditja dhe vendosja e vendbanimeve të komunës se Therandës, si dhe lokacioni i tyre që i përket terrenit, është rezultat i relievit dhe i elementeve të tjera të bazës natyrore-gjeografike. Nëse nisemi nga tërësitë releviore gjeografike, atëherë mund të diferencohen tri grupe vendbanimesh:

Gjatë të kaluarës historike në aspektin ekonomik e tregtar, kjo trevë luante një rol të rëndësishem. Nëpër të kalonin karvane tregtare nga viset e ndryshme të Ballkanit dhe shkonin për në Prizren e më tutje për në Shkodër.

Komuna e Therandës gjendet në pjesën jugore të Kosovës. Largësia me qendrën rajonale - Prizrenin është 18 km, ndërsa me kryeqytetin e Kosovës është 57 km. Tërësia e saj territoriale ka një sipërfaqe prej 434 km2, ose 4% të territorit të Kosovës, i cili përfshinë një sipërfaqe prej 10.887 km2.

Vendbanimet në lokalitetin e Therandës me sa dihet dallojnë nga parahistoria - koha e neolitit. Dëshmi për këtë janë gërmadhat e shumta që gjenden në lokalitete të ndryshme të komunës. Më karakteristike janë gërmadhat ende të pa hulumtuara në mes të fshatrave Sopi dhe Reqan, në vendin e quajtur Dubyqak.

Sa i përket organizimit territorialo-administrativ, gjatë të kaluarës historike, ky territor, sikurse edhe territoret tjera shqiptare varësisht nga sunduesit e ndryshëm pësonte ndryshime.