Triumfojnë njomakët e Ballkanit

Trajneri, Ardian Basha, i cili me këtë gjeneratë ka punuar nga mosha 10 vjeçare është shprehur i kënaqur me këtë sukses. “Është kënaqësi që një punë vazhdueshme më në fund fillon të jep frytet e sajë. Ne vetëm para dy jave ngadhënjyem edhe në turneun që u zhvillua për nderë të ditës së Lidhjes së Prizrenit dhe këto suksese vetëm sa na motivojnë që të punojmë edhe më shumë me këtë djelmosha”, u shpreh ai.

Basha më pas e vlerësoi lart edhe turneun e Durrësit. “Në këtë turne ne marrim pjesë që tri vite radhazi me të gjitha gjeneratat e shkollës së futbollit të klubit tonë, është ndër turnet më cilësorë që organizohen për grupmoshat e reja”, tha ai. Pos suksesit ekipor nga skuadra therandase, kishte edhe shpërblime individuale. Betim Berisha u shpallë portieri më i mirë i turneun, ndërkaq lojtari më i mirë u shpallë, Mendurim Hoti.

E falënderoi trajnerin për punën që ka bërë me neve dhe e kemi lutur atë që edhe në të ardhmen të ruajmë skuadrën pasi jemi grup shumë i mirë. Shpresojmë t’ia dalim që këto suksese t’i përsërisim edhe në turnetë e tjera”, ka thënë, Berisha.

Organizator të këtij evenimenti ishin Federatat e Futbollit të Shqipërisë, Bashkia e Durrësit dhe skuadra e Teutës. Këto suksese të kategorive të reja të klubit të Ballkanit vinë pas dështimit të skuadrës seniorëve, të cilët pas një viti në kategorinë më të lartë të futbollit në Kosovë, u largua nga elita. /BotaSot/

Publiko kete artikull: